தேவாரம் பாடல் வரிகள் மற்றும் அதன் பொருள்

       சிறையாரும் மடக்கிளியே இங்கே வா தேனொடு பால்

       முறையாலே உணத் தருவன்; மொய்பவளத்தொடு தரளம்

       துறையாரும் கடல் தோணிபுரத்து ஈசன் துளங்கும் இளம்

       பிறையாளன் திருநாமம் எனக்கு ஒருகால் பேசாயே.

       சிறகுகளை விரிக்கும் இளங்கிளியே! இங்கு வா, உனக்காகத் தேனும் பாலும் உண்ணத் தருவேன். பவளமும் முத்தும் செறிந்த கடலின் துறையமைந்த தோணிபுரத்தின் ஈசன், அவன் ஒளிவீசும் இளம் பிறையைத் தலையில் சூடியவன். அவனுடைய திருநாமத்தை எனக்காக ஒரு முறை கூறுவாயாக.